• Øvinger
• Informasjon
• Opptredener
• Arilds corner
• Turer
• Gode ord

Midt i ferien

Det er ferie for Respons. Vi har lagt bak oss ein innhaldsrik og fin sesong. Vi har takka avtroppande kormedlemer for musikalsk, sosialt og åndeleg fellesskap gjennom mange år eller nokre få månader. Vi har sagt på gjensyn den 23. august til alle som blir med vidare. Og det er mange. Med god grunn. Vi ser fram til ein ny sesong med spennande prosjekt og ein attraktiv sommartur.

Høgdepunkta i den avslutta sesongen var mange og gode. Eg nemner Pit Stop med drivande Shackles-foreining med Herøy Gospelkor, oppvarming for - og koring i lag med - sjølvaste Angels in Harlem (Harlem Gospelchoir), super korfest, julaftan, nachspielkonsert, støttekonsert for Haiti, Vintertreff-gudsteneste, "Heilt Liv" i vinterferien, gospel på Ikornes, Natt til 1.mai på Blindheim, konfirmasjonar i Spjelkavik-kirka, Kulturdryss 2010 og heile sommarturen. Det bokstavlege høgdepunktet var på 2469 meter over havet og herleg korklang der oppe. Og då kunne eg ha tatt med endå fleire opptredenar, øvingar og aktivitetar. Takk til alle som har vore med på alt eller delar av dette! Takk til kor, solistar, band, dansarar, teknisk stab, vaksenteam, utvida turteam med Marianne, Jarle, Peter Inge, Idar, Arvid, Oddrun og Kai-Even, dirigent Julie og co-dirigent Simon M.G., folket i Hedalen og Begnadalen, på Spiterstulen og Tore & Co i Stryn, økonomisjef Jofrid, Liva, Solrun og alle andre som har støtta oss, bedt for oss og gitt oss hjelp gjennom sesongen. Takk til vår gode Gud og Himmelske Far som alltid er med og som gir oss det beste innhald i sangane våre!

I skrivande stund sit eg på Nesbyen og har nettopp feira bryllup for Britt Marie og Helge (Hafsås). I bryllupet møtte eg att fleire av dei som vi var i lag med i Hedalen og Begnadalen under sommarturen. Tilbakemeldingane derifrå er overveldande gode! Dei vil gjerne ha oss tilbake. Veldig kjekt var det også å møte fleire av dei som deltok under korseminaret vårt. Helge opplyser at 22 ungdomar og heile 9 vaksne blir med og dannar det nye koret i Sør-Aurdal! Ein spesiell takk til Helge og dei mange medarbeidarane hans som tok så flott i mot oss!

God sommar vidare!

Kommentarer (3)

1. 19 innlegg siden 15. feb 2010

   #1 Sigve Ferstad 1 måned siden Takk for enda ett flott år i Respons

2. 3 innlegg siden 2. mai 2010

   #2 Asbjørn Kjelsvik 1 måned siden Takk før dette året og forein fantastisk tur! Kjempefint at dei blei så mange som vil starte kor.

3. 1 innlegg siden 17. aug 2010

   #3 Ragnhild 23 dager siden Da har vi hatt første møte med styre og voksenteam, og det var så kjekt med alle dere som hadde gitt kjempegode tilbakemeldinger etter en fantastisk sommertur Vi har tatt til oss det negative som kom, og satser på å bli enda bedre på neste sommertur. Men leggetider og soving er det nok lite å gjøre med........ Jeg gleder meg til et nytt og spennende år sammen med dere flotte responsungdommer.

Skriv en kommentar

Du må være innlogget for å kommentere.|Logg inn her