Kollasj laget av Jon Georg FiskeFoto: Eskild Flydal, Sigve Ferstad, Jon Georg Fiske og Simon Grimstad
Takk for i år!
Ein svært aktiv desembermånad er snart slutt. Det same er året 2010. Juleprogrammet har gått fint, og Respons kan unne seg nokre dagar fri før nye øvingar og oppdrag ventar i 2011. Første øving er mandag 10.januar. Nye songar skal innøvast. Teknisk skal utvikle lyd og lys. Dansegruppa skal drille nye trinn. Spennande ting skal organiserastog planleggast. Det er berre å glede seg! 2011 har mykje å by på! Mykje meir enn Italia-turen i juni! Men før vi kjem til det nye året, vil eg dvele litt ved siste kveld med koret i 2010.
Det var på julefest og etterpå Nachspielkonserten 2010. Det skjer ein gong i året: Respons-familien samlast til mimring og oppdatering av siste nytt. På langt nær heile famlien kunne samlast denne kvelden. For nokre var juleferien for kort til det. Mine eigne kjære søner, Jostein og Einar, måtte tilbake til Oslo på grunn av jobb. Det same gjaldt nok for ganske mange – anten det var Oslo, Bergen eller Trondheim eller andre stader dei skulle til. Andre skulle på Explore KRIK-festival på Lillehammer. Responsarar på veg til slekt andre stadar i landet i romjula er heller ikkje så uvanleg. Og veldig mange har andre ting på programmet enn å komme på Nachspielkonsert med Respons. Omgrepet ”alltid-responsar” er nok ikkje like aktuelt for alle som ein gong har vore medlem i Respons. Likevel vart det ein flott finale også på årets Nachspielkonsert. Med over 40 års aldersforskjell på den yngste og den eldste, var det eit kjempekor som avslutta kvelden på 3.juledag.
Men før ”Il Grande Finale” varta den eine korgruppa etter den andre opp med songar frå dei siste tre tiåra. Herleg! Bandet varierte med dei ulike tidsepokane. I år var 80-tallstrommis Øyvind Haugen tilbake med trommestikkene på innerlomma og viste at gamle kunster ikkje var gått i gløymeboka – sjølv om han jobbar i ein … ja, nettopp bokhandel J Og sjølv om, som nemnd, Einar måtte vere i Oslo i staden for å handtere bassen på Nachspielkonsert, kunne eg glede meg over familiært samspel, all den tid mi kjære svigerdotter Maria sytte for trommespel på øverste nivå gjennom fleire tidsepokar under konserten. Simon Kjelsvik stilte sporty opp med flott bass-spel på, for han, kjende og ukjende songar. Elles entra dei podiet, Håkon og dei andre gamle og nye musikarane, solistane og koristane, ein etter ein! Jau, det vart ein flott finale på Respons-året 2010! Takk til alle som har vore med oss, tenkt på oss, oppmuntra oss, bedt for oss, støtta oss, hjelpt oss, sponsa oss og høyrt på oss! Gud velsigne dåkke! Og takk til Vår Himmelske Far som held oss og våre tider i si hand! Godt nytt år!
Kommentarer (1)
Skriv en kommentar
Du må være innlogget for å kommentere.|Logg inn her
ser fram til storsamlinga !»
41 innlegg
siden 15. feb 2010
Sigve Ferstad over 1 år siden
Takk for ett fint og innholdsrikt år